පොදු ප්රවාහන සේවා සඳහා බස් රථ ඇතුළු වාහන ගෙන්වීම ආරම්භ කර තිබෙනවා.
ඔක්තොම්බර් මස පළමුවනදා සිට මෙම වාහන ගෙන්වීම ආරම්භ කර තිබුණා.
මුදල් අමාත්යාංශය ප්රකාශ කළේ, මෝටර් රථ ඇතුළු සැහැල්ලු වාහන ගෙන්වීම ලබන වසරේ පළමු කාර්තුව තුළ සිදු කිරීමට නියමිත බවයි.
ඒ අනුව, අදියර 3ක් යටතේ වාහන ගෙන්වීමට පියවර ගන්නා බව ද මුදල් අමාත්යාංශය තවදුරටත් සඳහන් කළා.
කොරෝනා වෛරසයේ බලපෑම් හේතුවෙන් ආර්ථිකයේ ඇතිවූ අර්බුද හේතුවෙන් 2021 වසරේ දී වාහන ආනයනය අත්හිටුවීමට ශ්රී ලංකා රජය තීරණය කළා.
අනතුරුව ඇතිවූ දැඩි ආර්ථික අර්බුදය හේතුවෙන් එම සීමා තවදුරටත් පවත්වාගෙන යෑමට මෙරට බලධාරීන් තීරණය කරනු ලැබුවා.