පාර්ලිමේන්තු මැතිවරණයට තරග වදින නවක අපේක්ෂකයින් තෝරා ගැනීමේ සම්මුඛ පරීක්ෂණ අද (05) ආරම්භ කළ බව ශ්රී ලංකා පොදු ජන පෙරමුණ පවසනවා.
එහි මහ ලේකම් නීතිඥ සාගර කාරියවසම් මහතා සඳහන් කළේ මෙවර පාර්ලිමේන්තු මැතිවරණයට පොදු ජන පෙරමුණෙන් නවකයින්ට, තරුණයින්ට සහ කාන්තාවන්ට වැඩි අවස්ථාවක් ලබා දෙන බවයි.
ඒ අනුව, නාමයෝජනා පත්ර භාර දීම ලබන 09, 10,11 දිනවල සිදු කරන බව ඔහු පවසා තිබෙනවා.
සමගි ජන බලවේගයේ අපේක්ෂක ලැයිස්තු පිළියෙල කිරීමේ කටයුතු මේ වනවිට ආරම්භ කර ඇති බව එහි මහලේකම් රංජිත් මද්දුමබණ්ඩාර මහතා පවසනවා.
ඔහු ප්රකාශ කළේ, ජ්යෙෂ්ඨයින්ට මෙන්ම නවකයින්ට ද අපේක්ෂක ලැයිස්තුවේ අවස්ථාව ලබා දී ඇති බවයි.
පාර්ලිමේන්තු මැතිවරණයට අදාළ නාම යෝජනා කැඳවීම දිස්ත්රික් ලේකම් කාර්යාලවලදි මේ වනවිට ආරම්භ කර ඇති අතර එම කටයුතු ලබන 11 වැනි දා දක්වා සිදු කෙරෙනු ඇති.
එම කටයුතු ලබන 11 වැනිදා දහවල් 12 ට අවසන් වනවා.
පාර්ලිමේන්තු මැතිවරණය නොවැම්බර් 14 වැනිදා පැවැත්වීමට නියමිතයි.