මත්ද්රව්ය චෝදනා මත බන්ධනාගාර ගතව සිටි පාකිස්තාන ජාතික සිරකරුවන් 56ක් අද (6) පාකිස්තානයට ගුවන් මගින් පිටත් කර හැරි බව බන්ධනාගාර කොමසාරිස් (මාධ්ය ප්රකාශක) ගාමිණී බී. දිසානායක මහතා පවසනවා.
පාකිස්තානු ජාතික පිරිමි රැඳවියන් 51ක් සහ කාන්තා රැඳවියන් 5ක් එම රැඳවියන් 56 ට ඇතුළත්.
මෙලෙස පිටත් කර හැරි රැඳවියන්ගේ සිර දඬුවම සිය මව් රටේ බන්ධනාගාර තුළදී ක්රියාත්මක වන බව දිසානායක මහතා පැවසුවා
මෙරට බන්ධනාගාර දෙපාර්තමේන්තු ඉතිහාසය තුළ වැඩිම රැඳවියන් පිරිසක් මේ ආකාරයෙන් මාරුකළ පළමු අවස්ථාව මෙය බවද ඒ මහතා සඳහන් කරනවා.
සිරකරුවන් හුවමාරු කිරීමේ ගිවිසුමේ 1995 අංක 05 දරණ වරදකරුවන් හුවමාරු කිරීමේ පනත යටතේ එම සිරකරුවන් 56 පාකිස්තානය වෙත යොමු කළ බවත් කොළඹ බණ්ඩාරණායක ජාත්යන්තර ගුවන්තොටුපලට පැමිණි පාකිස්තානු රාජ්ය තාන්ත්රික නිලධාරීන් 64 ක් භාරයේ අදාළ රඳවියන් පිටත් කර හැරි බවත් දිසානායක මහතා සඳහන් කළා.
අධිකරණ අමාත්යංශය, ආරක්ෂක අමාත්යංශය, ශ්රී ලංකා සිවිල් ගුවන් සේවා අධිකාරිය හා පාකිස්තාන තානාපති කාර්යාලයේ මැදිහත්ව මෙම සිරකරුවන් හුවමාරු කිරීමේ ක්රමවේදය ක්රියාත්මක කර තිබෙනවා.