උඩ පන්දුවක් රැකිමට ගොස් මියගිය පාසල් සිසුවාගේ අවසන් කටයුතු අද තලවකැලේ ග්‍රේට් වෙස්ටර්න් වතුයායේදි සිදු කරන බව ඥාතින් පවසනවා.
නුවරඑළිය කොටගල කෙම්බ්‍රිජ් දමිල විද්‍යාලයේ විවේක කාලයේදි සෙල්ලම් කරමින් සිටි සිසුවෙක් උඩ පන්දුවක් රැක ගැනීමට ගොස් ලිස්සා යාමෙන් පාසල් ගොඩනැගිල්ලක බිත්තියක ගැටී ඉකුත් 05 වැනිදා ජීවිතක්ෂයට පත් වුණා.
එලෙස මිය ගොස් ඇත්තේ තලවකැලේ ග්‍රේට් වෙස්ටර්න් වතුයායේ පදිංචිව සිටි 13 වන ශ්‍රේණියේ ඉගෙනුම ලබන සිසුවෙක්.
බරපතල ලෙස තුවාල ලැබූ සිසුවා දික්ඔය මුලික රෝහලට් ඇතුළත් කිරීමෙන් පසුව වැඩිදුර ප්‍රතිකාර සඳහා මහනුවර ශික්ෂණ රෝහල වෙත රැගෙන යමින් සිටියදී ජීවිතක්ෂයට පත් වී තිබෙනවා.
පාසලේ විදුහල්පතිවරයා කියා සිටියේ, 13 වසරේ තාක්ෂණ විෂය හදාරමින් සිටි මෙම සිසුවා අධ්‍යාපනයට මෙන්ම ක්‍රිඩාවට අතිශය දක්ෂ සිසුවෙකු වන අතර ඔහුගේ පියා, වකුගඩු රෝගයෙන් පෙළෙන රෝගියෙකු බවයි.
