රංගන ශිල්පිනී දමිතා අබේරත්න මහත්මියගේ නම රත්නපුර දිස්ත්රික්කයේ නාමයෝජනා ලැයිස්තුවේ සඳහන් නොවන බව වාර්තා වෙනවා.
මහ මැතිවරණයේ සමගි ජන බලවේගයේ නාමයෝජනාවලට අත්සන් තැබීම සඳහා ඇය අද (11) රත්නපුර දිස්ත්රික් ලේකම් කාර්යාලයට පැමිණ තිබුණත් ඇයගේ නම පක්ෂ නාමයෝජනා ලැයිස්තුවේ නොමැති බව එහිදී දැනුම් දී තිබෙනවා.
තමා රත්නපුර දිස්ත්රික්කයෙන් සජබ ය නියෝජනය කරමින් මහ මැතිවරණයට ඉදිරිපත්වන බව දමිතා අබේරත්න ඊයේ (10) මාධ්ය වෙත පවසා තිබුණා.
මේ සම්බන්ධයෙන් අදහස් දක්වමින් සමගි ජන බලවේගයේ හේශා විතාන මහතා සඳහන් කළේ ඇය කලාකාරිනියක් වශයෙන් පක්ෂයට කොතෙක් සහයක් ලබා දුන් රත්නපුර දිස්ත්රික්ක ලැයිස්තුවට පිටින් ආනයනය කරන අපේක්ෂකයින් ඇතුළත් නොකිරීමට තීරණය කළ බවයි.