වාහන ආදායම් බලපත්ර ලබා ගැනීමේදී බස්නාහිර පළාතද අනෙකුත් පළාත් සමඟ සම්බන්ධ කිරීමට අමාත්ය විජිත හේරත් මහතා අදාළ නිලධාරීන්ට උපදෙස් ලබා දී තිබෙනවා.
මහා මාර්ග, වරාය සහ සිවිල් ගුවන්සේවා අමාත්යාංශය නිවේදනයක් නිකුත් කරමින් මේ බව සඳහන් කළා.
වාහන ආදායම් බලපත්ර ලබා ගැනීමේදී ජනතාව මුහුණදෙන ප්රධානතම ගැටලුවක්ව පැවතියේ පළාත් අන්තර් සබඳතාවයක් නොමැති වීම බවත් එම ගැටලුවට විසඳුම් ලබා දීමේ අරමුණින් මෙම පියවර ගෙන ඇති බවත් එම අමාත්යංශය පෙන්වා දෙනවා.
බස්නාහිර පළාතේ වාහන හිමිකරුවෙකුගේ වාහනයක් මීට පෙර ලියාපදිංචි වී ඇත්තේ වෙනත් පළාතක නම් මේ පළාතෙන් ආදායම් බලපත්රය ලබා ගැනීම කාලය, ශ්රමය, ධනය වැය වන ඉතා දුෂ්කර කටයුත්තක් බවට ජනතාව මැසිවිලි නගන බව ද එම නිවේදනයේ සඳහන්.
මෙම දුෂ්කරතාවය පිළිබඳ අවධානය යොමු කරමින් බස්නාහිර පළාත ද හැකි ඉක්මනින් අනෙකුත් පළාත් සමඟ සම්බන්ධ කරන්නට අවශ්ය කටයුතු සඳහා අදාළ අංශවලට උපදෙස් දෙන ලෙස ප්රවාහන, මහාමාර්ග, වරාය හා ගුවන්සේවා අමාත්ය විජිත හේරත් මහතා බස්නාහිර පළාත් ආණ්ඩුකාරවරයාට උපදෙස් දී තිබෙනවා.