ගුවන් යානයක් දත්ත සම්ප්රේෂණ කුළුණක වැදී ගිනිගෙන පුපුරා ගිය පුවතක් ඊයේ (20) අමෙරිකාවේ ටෙක්සාස් ප්රදේශයෙන් වාර්තා වෙනවා.
අදාළ ගුවන් යානය පුද්ගලික ගුවන් යානයක් වන අතර අනතුර සිදුවන අවස්ථාවේ එහි 4 දෙනෙක් එහි සිට ඇති බව වාර්තා වනවා.
මෙම අනතුර හේතුවෙන් එහි සිටි සිව්දෙනාම ජීවිතක්ෂයට පත්ව තිබෙනවා.
කෙසේ වෙතත් විදෙස් මාධ්ය වාර්තා කරන්නේ, වෙන කිසිවෙකුටත් මෙම අනතුර හේතුවෙන් හානි සිදු වී නොමැති බවයි.
යානය කඩා වැටීම නිසා හටගත් ගින්න පැතිරී ගොස් ඇති අතර, හුස්ටන් ගිනි නිවීමේ දෙපාර්තමේන්තුවේ නිලධාරීන් විසින් එය මැඩපැවැත්වීමට කටයුතු කර තිබෙනවා.
මෙම අනතුර පිළිබඳව හුස්ටන් බලධාරීන්, ජාතික ගමනාගමන ආරක්ෂණ මණ්ඩලය සහ ෆෙඩරල් ගුවන් සේවා පරිපාලනය විසින් විමර්ශනය කර ඇති බව සඳහන් වනවා.