20යි 20 ජාත්‍යන්තර ක්‍රිකට් තරගයකදී කණ්ඩායමක් රැස්කළ වැඩිම ලකුණු සංඛ්‍යාව රැස් කිරීමට සිම්බාබ්වේ කණ්ඩායම අද (23) සමත් වුණා.
ඒ ගැම්බියා කණ්ඩායමට එරෙහිව සිය පන්දු ඕවර 20දී කඩුලු 4ක් දැවී ලකුණු 344ක් රැස්කර ගනිමින්.
සිම්බාබ්වේ වෙනුවෙන් සිකන්දර් රාසා පන්දු 33කදී ශතකයක් රැස්කළා.
ඔහු නොදැවී ලකුණු 133ක් රැස්කළ අතර ඊට 6 පහර 15ක් ඇතුළත්.
කණ්ඩායමේ අනෙක් පිතිකරුවන් 6 පහර 12ක් එල්ලකළ අතර ඒ අනුව කණ්ඩායම ඔවුන්ගේ ඉනිමට 6 පහර 27ක් ඇතුළත් වු අතර එයද ලෝක වාර්තාවක් වනවා.
ඔවුන් විසින් බිඳ දැමුවේ නේපාල කණ්ඩායම ලකුණු 314ක් රැස්කර තබා තිබූ වාර්තාවක්.
නේපාල ඉනිමට 6 පහර 26ක් ඇතුළත් වුණා.
