හිටපු බන්ධනාගාර හා ප්‍රතිසංස්කරණ රාජ්‍ය අමාත්‍ය ලොහාන් රත්වත්තේට ලබන වසරේ ජනවාරි මස 30වන දින අධිකරණය හමුවේ පෙනී සිටින ලෙස නියෝග කර තිබෙනවා.
ඒ ඔහු එම අමාත්‍ය ධූරය දරණ කාල සීමාවේ බීමතින් අනුරාධපුර බන්ධනාගරයට ඇතුළු රැදවියෙකුගේ නළලට පිස්තෝලයක් තබා වෙඩි තබා මරා දමන බවට තර්ජනය කළ බව කියන සිද්ධියට අදාළව අනුරාධපුර ප්‍රධාන මහේස්ත්‍රාත් නාලක සංජීව ජයසූරිය හමුවේ අද (24) නඩුව කැදවූ අවස්ථාවේදීයි.
එහිදී විත්තිකාර හිටපු රාජ්‍ය අමාත්‍ය ලොහාන් රත්වත්තේ විවෘත අධිකරණයේ අද පෙනී සිටි අතර, යළි නඩුව කැදවන දිනයේ ද අධිකරණය හමුවේ පෙනී සිටින ලෙසට නියෝග කළා.
