මහජන සෞඛ්ය පරීක්ෂකවරුන්ගේ රාජකාරියට බාධා කිරීමේ සිද්ධියක් සම්බන්ධයෙන් පුද්ගලයෙක් හැටන් පොලීසිය අත්අඩංගුවට ගෙන තිබෙනවා.
එළැඹෙන දීපාවලී උත්සව සමය නිමිත්තෙන් තමන්ට අවැසි දෑ මිලදී ගැනීමට දිනපතා විශාල පිරිසක් හැටන් නගරයට පැමිණෙමින් සිටින අතරඒ හේතුවෙන් හැටන් දික්ඔය නගර සභාවේ මහජන සෞඛ්ය පරීක්ෂකවරුන් විසින් හැටන් නගරයේ ආපනශාලා ඊයේ (26) හදිසි පරීක්ෂාවකට ලක් කර තිබුණා.
මෙහිදී එක් ආපනශාලාහිමියෙකු විසින් මහජන සෞඛ්ය පරීක්ෂකවරුන්ගේ රාජකාරියට බාධා කරමින් පරීක්ෂකවරුන්ට මරණීය තර්ජන කර තිබෙන බවට වාර්තා වනවා.
මේ සම්බන්ධයෙන් මහජන සෞඛ්ය පරීක්ෂකවරුන් හැටන් පොලිස් ස්ථානයට පැමිණිල්ලක් ඉදිරිපත් කර තිබෙන බවයි පැවසෙන්නේ.
සිද්ධිය සම්බන්ධයෙන් අදාළ ආපනශාලා හිමිකරු පොලිස් අත්අඩංගුවට ගෙන ඇති අතර ඔහු අද (27) හැටන් මහෙස්ත්රාත් අධිකරණයට ඉදිරිපත් කිරීමට නියමිතයි.
මේ අතර අදාළ සිද්ධිය මහජන සෞඛ්ය පරීක්ෂකවරුන්ගේ සංගමය මධ්යම පළාත බාර ජ්යෙෂ්ඨ නියෝජ්ය පොලිස්පතිවරයා වෙත ලිඛිත දැනුම්දීමක්ද කර තිබෙනවා.
හැටන් පොලිස් ස්ථානයට කරඇති පැමිණිල්ල සම්බන්ධයෙන් කඩිනම් ක්රියාමාර්ග ගන්නා ලෙසත් මහජන සෞඛ්ය පරීක්ෂකවරුන් අතර අනවශ්ය වෘත්තීය නොසන්සුන්තා ඇති නොවන සේ කටයුතු කිරීමට අවශ්ය ක්රියාමාර්ග ගන්නා ලෙසත් ඉල්ලා සිටින බව යොමුකළ ලිපියේ සඳහන්.