දුම්රිය ස්ථානාධිපතිවරුන්ගේ වර්ජනය ක්රියාත්මක වුවද අද (30) රාත්රී ධාවනය වීමට නියමිත සියලු රාත්රී තැපැල් දුම්රිය ධාවනය කෙරෙන බව දුම්රිය පාලක මැදිරි කාර්යාලය පවසනවා.
ඒ අනුව කොළඹ කොටුව _බදුල්ල , බදුල්ල _ කොටුව, මඩකලපුව, හා ත්රීකුණාමලය _ කොටුව, කොටුව _ මඩකලපුව හා ත්රීකුණාමලය, කොටුව _ ගාල්ල, ගාල්ල _ කොටුව යන රාත්රි තැපැල් දුම්රිය හය ධාවනය කෙරෙන බවයි සඳහන් වන්නේ.
ඉල්ලීම් කිහිපයක් මුල් කරගනිමින් දුම්රිය ස්ථානාධිපතිවරුන්ගේ සංගමය හදිසි වැඩවර්ජනයක් ආරම්භ කර තිබෙනවා.
ඒ අනුව ඔවුන් අද(30) පස්වරු 04.30 සිට ප්රවේශ පත්ර නිකුත් කිරීම සහ පාර්සල් භාර ගැනීමේ කටයුතුවලින් ඉවත් වුණා.
