මෝටර් රථ ලියාපදිංචි කිරීමේ පොත් 12ක් අස්ථානගත වීමේ සිද්ධියට අදාළව සේවකයන් 08 දෙනෙකුගේ දුරකථන වාර්තා පරීක්ෂා කිරීමට පියවර ගෙන තිබේ.
නාරාහේන්පිට මෝටර් රථ ලියාපදිංචි කිරීමේ දෙපාර්තමේන්තුවේ වෙළෙඳ වාහන පැවරුම් අංශයේ නිල කාමරයේ ඉබියතුරු දමා ආරක්ෂිතව රඳවා තිබූ මෝටර් රථ ලියාපදිංචි කිරීමේ පොත් 12ක් මෙලෙස අස්ථානගත වී තිබුණි.
සිද්ධිය සම්බන්ධයෙන් එම අංශයේ කාර්යමණ්ඩලයේ සේවකයින් 08 දෙනෙකුගේ දුරකථන වාර්තා බොරැල්ල පොලීසියට ලබාදෙන ලෙස කොළඹ අතිරේක මහෙස්ත්රාත් හර්ෂණ කැකුණවල මහතා අදාළ දුරකථන සමාගම්වලට නියෝග කළේය.
මෙම සිද්ධිය සම්බන්ධයෙන් සිදුකරන විමර්ශන සඳහා අදාළ අංශයේ සේවකයන් 08 දෙනෙකුගේ දුරකථන වාර්තා ලබාගත යුතුව ඇති බැවින් එම වාර්තා තම පොලිස් ස්ථානය වෙත ලබාදෙන ලෙස බොරැල්ල පොලීසිය කරන ලද ඉල්ලීමක් සලකා බලමින් අධිකරණය එම නියෝගය නිකුත් කර තිබුණි.
මෝටර් රථ ලියාපදිංචි කිරීමේ දෙපාර්තමේන්තුවේ වෙළෙඳ වාහන පැවරුම් අංශයේ සහකාර කොමසාරිස්වරයාගේ නිල කාමරයේ ආරක්ෂිතව තිබූ පොත් 12ක් මෙලෙස අස්ථානගතවී ඇත.
එසේ අස්ථානගතවී ඇත්තේ භාවිතයට නොගත් අලුතින් මුද්රණය කළ පොත් බවද වාර්තා වෙයි.
