හිටපු රාජ්ය අමාත්ය ලොහාන් රත්වත්තේ මහතා මිරිහාන පොලිස් ස්ථානයේ සිට නුගේගොඩ වැඩබලන මහේස්ත්රාත්වරයා හමුවට රැගෙන විත් තිබෙනවා.
නීති විරෝධී ලෙස එකලස් කරන ලද මෝටර් රථයක් ලඟ තබා ගැනීමේ චෝදනාවට අදාළව හිටපු රාජ්ය අමාත්ය ලොහාන් රත්වත්තේ අද (31) පෙරවරුවේ කටුගස්තොට ප්රදේශයේදී අත්අඩංගුවට ගනු ලැබුවා.
අනතුරුව ඔහුව මිරිහාන පොලිසිය වෙත රැගෙන එනු ලැබූ අතර මිරිහාන පොලිසියේදී සිද්ධිය සම්බන්ධයෙන් හිටපු රාජ්ය අමාත්යවරයාගෙන් ප්රකාශ සටහන් කර ගැනීමෙන් අනතුරුව ඔහුව නුගේගොඩ වැඩබලන මහේස්ත්රාත්වරයා හමුවට විත් තිබෙනවා.
නුගේගොඩ මිරිහාන ප්රදේශයේ පිහිටි රාජ්ය අමාත්ය ලොහාන් රත්වත්තේගේ බිරිඳට අයත් නිවසක තිබී අංක තහඩු නොමැති මෝටර් රථයක් මිරිහාන පොලිසිය විසින් සොයාගනු ලැබුවේ පසුගිය 26 වැනිදායි.
මිරිහාන පොලිසිය නුගේගොඩ මහේස්ත්රාත් අධිකරණයට කරුණු වාර්තා කිරීමෙන් පසු අදාළ නිවසට ගොස් එම රථය පරීක්ෂා කර පොලිස් භාරයට ගනු ලැබුවා.
