නැඟෙනහිර ස්පාඤ්ඤයේ වැලෙන්සියා ප්රාන්තයේ හටගත් දරුණු ගංවතුර තත්ත්වයෙන් මිය ගිය පුද්ගලයන්ගේ සංඛ්‍යාව 202 දක්වා ඉහළ ගොස් ඇතැයි විදෙස් මාධ්‍ය වාර්තා කරනවා.
මියගිය අය සහ අතුරුදන් වූවන් සොයා තවදුරටත් මෙහෙයුම් සිදු කරන බවත්, ඒ සඳහා ස්පාඤ්ඤ ගුවන් හමුදාවේ හෙලිකොප්ටර් යානා ද යොදවා ඇති බව එම වාර්තාවල සඳහන්.
මෙවැනි දරුණු ගංවතුර තත්ත්වයකට ස්පාඤ්ඤය මුහුණදී ඇත්තේ වසර 51කට පසුව වන අතර, වැලෙන්සියා ප්රාන්තයේ නගර ගණනාවක නිවාස, ගොඩනැඟිලි, මහාමාර්ග විශාල ප්‍රමාණයක් ඉන් මුළුමනින්ම විනාශ වී තිබෙනවා.
ස්පාඤ්ඤ රජය නිවේදනය කර ඇත්තේ, ගංවතුර හේතුවෙන් අවතැන්වූ ජනතාව මිලියන 5කට වැඩි අතර, අවතැන්වූවන් සඳහා තාවකාලික කුඩාරම් ඉදිකර අවශ්‍ය පහසුකම් සලසා ඇති බවයි.
සුනාමියකට සමානව අධික වේගයෙන් ගලා ගිය බව කියන ගංවතුර මේ වන විට බැස ගියද, ඉදිරි දින කිහිපයේදී නැවත වර්ෂාපතනයක් සිදුවන බවට කාලගුණ විද්‍යා ඒකකය අනතුරු ඇඟවීමෙන් පසු රතු නිවේදනයක් නිකුත් කිරීමට එරට රජය පියවර ගෙන තිබෙනවා
