පානදුර මුහුදු වෙරලේ පොදු වැසිකිලියේ සේවකයාගේ මුදල් භාජනය කොල්ලකෑ පාසල් සිසුන් හය දෙනෙකු අත්අඩංගුවට ගත් බව පානදුර දකුණ පොලිසිය පවසනවා.
මෙසේ අත්අඩංගුවට ගෙන ඇත්තේ මොරටුව ප්‍රදේශයේ පදිංචි 16 වන වියේ පසුවන පාසල් සිසුන් පිරිසක්.
පොදු වැසිකිලිය අසලට පැමිණ තිදෙනෙකු කිසිවෙකු පැමිණෙන්නේද යන්න නිරීක්ෂණය කරමින් සිටියදී අනෙක් තිදෙනා එහි සිටි සේවකයා බියගන්වා මුදල් පෙට්ටිය කොල්ලකා පලාගොස් තිබෙනවා.
පොලිසිය සඳහන් කළේ එහිදි බියට පත් සේවකයා ඉවතට පැන උදව් ඉල්ලා කෑගැසීමේදී අවට සිටි පිරිසගේ සහාය ඇතිව අත්අඩංගුවට ගත් බවයි.
කොල්ලකෑ මුදල් භාජනයේ තිබී ඇත්තේද රුපියල් 415ක් බවද සඳහන්.
