එළැඹෙන ජනවාරි මාසයේදී විශ්‍රාම යාමට නියමිත අමෙරිකානු ජනාධිපති ජෝ බයිඩ්න් සහ චීන ජනාධිපති ෂී ජින්පින් අතර හමුවක් ඊයේ (16) සිදුව තිබෙනවා.
ඒ පේරු හිදී පැවැත්වෙන ආසියා – පැසිෆික් ආර්ථික සහයෝගිතා සමුළුව අතරතුරදී.
තේරීපත්ව සිටින ජනාධිපති ඩොනල්ඩ් ට්‍රම්ප් සමඟ සහයෝගීතාවෙන් කටයුතු කිරීමට තමන් සූදානම් බව එහිදී චීන ජනාධිපතිවරයා පවසා තිබුණා.
කෙසේ නමුත් ට්‍රම්ප්ගේ පළමු ධුරකාලය අතරතුර චීන – අමෙරිකා සබඳතා දැඩි සේ පළුඳු වූ අතර, කොවිඩ් යනු චීන වෛරසයක් බවට ට්‍රම්ප් පැවසීමෙන් පසුව එම සබඳතා බිඳවැටෙන මට්ටමට පැමිණියා
මෙවර මැතිවරණ වේදිකාවේදීත් ට්‍රම්ප් පැවසුවේ තමන් බලයට පැමිණීමෙන් පසුව චීනයේ සියලු ආනයන මත සියයට 60ක බදු පනවන බවයි.
