අන්තර් විශ්වවිද්‍යාල ශිෂ්‍යබල මණ්ඩලය විසින් ඉසුරුපාය අධ්‍යාපන අමාත්‍යංශය ඉදිරිපිට අද (21) දහවල් විරෝධතා උද්ඝෝෂණයක නිරතව සිටියා.
“රුහුණ වනසන උන්මත්තක උපකුලපති සුජීව අමරසිංහ වහා ඉවත් කරනු”, “පාලනය පිළිබඳ විමර්ශනයට ස්වාධීන කොමිසමක් පත්කරනු”, “අත්තනෝමතිකව ලබාදී ඇති ශිෂ්‍යභාවය අහෝසි කිරීම් පන්ති තහනම් කිරීම් නේවාසිකාගාර තහනම් කිරීම් හා උපාධි ප්‍රධානෝත්සවය තහනම් කිරීම් වහා ඉවත් කරනු” යන යන ඉල්ලීම් කිහිපයක් මුල් කරගනිමින් අන්තර් විශ්වවිද්‍යාල ශිෂ්‍යබල මණ්ඩලය මෙම විරෝධතා උද්ඝෝෂණයක නිරත වුණා.
විරෝධතාවයෙන් අනතුරුව ශිෂ්‍යයන් අඛණ්ඩ සත්‍යග්‍රහයක් සඳහා එම ස්ථානයේ අසුන් ගත් අතර, අන්තර් විශ්ව විද්‍යාලයේ කැඳවුම්කරු 8 දෙනෙකු අමාත්‍යංශයේ සාකච්ඡාවකට ගොස් තිබුණා.
