මුහුදේ පාවෙමින් තිබූ පාර්සලයක් විවෘත කිරීමේදී එය පුපුරා යෑම හේතුවෙන් ධීවරයින් දෙදෙනෙක් ඊයේ (21) බරපතල තුවාල ලබා තිබෙනවා.
මෙසේ තුවාල ලබා ඇත්තේ, මන්නාරම පනංකට්ටු ප්‍රදේශයේ පදිංචි 37 හැවිරිදි එස්. රමේෂ් සහ ඒ. ආරෝග්‍යනාදන් නමැති ධීවරයින් දෙදෙනෙක්.
අනතුරින් තුවාල ලැබූ ධීවරයින් දෙදෙනා මන්නාරම රෝහලට ඇතුළත් කර තිබෙනවා.
මෙම ධීවරයින් දෙදෙනා මසුන් අල්ලමින් සිටියදී මුහුදේ පාවී පාර්සලයක් ඔවුන් කරා ළගා වී ඇති අතර, එක් ධීවරයෙකු එය අහුලා ගෙන විවෘත කිරීමේදී පාර්සලය පුපුරා ගොස් ඇති බවයි වාර්තා වෙන්නේ.
කෙසේවෙතත්, පුපුරා ගිය පාර්සලයේ අඩංගු වූයේ කුමන ද්‍රව්‍යයක්ද යන්න පිළිබඳව තොරතුරු මෙතෙක් හෙළි වී නැහැ.
මන්නාරම පොලිසිය හා නාවික හමුදාව සිද්ධිය සම්බන්ධයෙන් වැඩිදුර පරීක්ෂණ පවත්වනවා.
