ශ්‍රී ලංකාව තුළ ඒඩ්ස් වෛරසය (HIV) ආසාදිත රෝගීන් සංඛ්‍යාව ශීඝ්‍රයෙන් ඉහළ ගොස් තිබෙනවා.
විශේෂ මාධ්‍ය හමුවක් පවත්වමින් සෞඛ්‍ය ප්‍රවර්ධන කාර්යාංශය සඳහන් කළේ 1987 වර්ෂයේ දී පළමු වරට මෙරටින් ඒඩ්ස් රෝගය හඳුනාගන්නා ලද අතර එදා සිට අද දක්වා සැලකිය යුතු මට්ටමේ රෝගීන් ප්‍රමාණයක් වාර්තා වී ඇති බවයි.
ලංකාවේ HIV ආසාධනය සීඝ්‍රයෙන් ඉහළ යන බව ජාතික ලිංගාආශ්‍රිත රෝග මර්ධන ඒකකයේ අධ්‍යක්ෂකවරිය අනාවරණය කරනවා.
ජාතික ලිංගාශ්‍රිත රෝග සහ ඒඩ්ස් මර්දන වැඩසටහනේ අධ්‍යක්ෂ ප්‍රජා සෞඛ්‍ය විශේෂඥ වෛද්‍ය වින්දයා කුමාරපේලි මහත්මිය පවසන්නේ, 2023 HIV වෛරසය ආසාදිත ආසාදිත වූවන් 5000ක් වාර්තා වුණු අතර තම කාර්යාංශය යටතේ ප්‍රතිකාර ලබන්නේ 3500ක පමණ ප්‍රමාණයක් බවත් සෙසු පිරිස ප්‍රතිකාර ලැබීම අවම මට්ටමක පවතින බවයි.
මේ වනවිට විශේෂිත අවදානම් කණ්ඩායම් අතර මෙම වෛරසය ශිඝ්‍රයෙන් ව්‍යාප්ත වී තිබෙනවා.
ළමුන් අතර සහ කාන්තාවන් අතර HIV ආසාදනය ශීඝ්‍රයෙන් වර්ධනයක් නොවුණ ද, පිරිමි පුද්ගලයින් අතර (විශේෂ ලිංගික හැසිරීම් සහිත) මෙම රෝගය ඉතා ඉහළ මට්ටමක ව්‍යාප්තියක් පෙන්නුම් කරන බවයි වෛද්‍ය අධ්‍යක්ෂවරිය සඳහන් කළේ.
මෙම අවදානම් පවතින්නේ පිරිමි – පිරිමි ලිංගික සම්බන්ධතා පවත්වන අය අතර මෙන් ම සංක්‍රාන්තික ලිංගික ප්‍රජාව අතර බව සෞඛ්‍ය ප්‍රවර්ධන කාර්යාංශය පවසනවා.
ජංගම දුරකථන, නව තාක්ෂණය තුළින් තරුණ තරුණියන් නව ක්‍රමවේද සොයාගැනීමට නැඹුරුවීම, ලිංගික අධ්‍යාපනය අවම වීම ද ලිංගාශ්‍රිත රෝග වර්ධනයට හේතුවක් වී ඇති බව ද වෛද්‍ය වින්ද්‍යා මහත්මිය වැඩිදුරටත් පැවසුවා.
