වෙඩි තැබීම සඳහා පුහුණු කටයුතු සිදු කරන ඇකඩමියක දී 17 හැවිරිදි සිසුවෙකු සියදිවි නසාගෙන තිබෙනවා.
මෙම සිදුවීම වාර්තා වන්නේ ඉන්දියාවේ බෝපාල්හි දියි.
මෙලෙස ජීවිතක්ෂයට පත්ව ඇත්තේ 17 හැවිරිදි වියෙහි පසුවුණු Yatharth Raghuvanshi නමැති සිසුවෙක්.
ඊයේ (01) මෙම සිසුවා සිය පුහුණුවීම් සඳහා ඇකඩමියට පැමිණ ඇති අතර එහිදී සිය පුහුණු තුවක්කුවෙන් වෙඩි තබා ගෙන තිබෙනවා.
කෙසේවෙතත් රතිබාද් පොලිසිය පැවසුවේ මෙය සියදිවි නසාගැනීමක් යැයි සැක කළ ද, ඊට සම්බන්ධ වන හේතුවක් මෙතෙක් අනාවරණය වී නැති බවයි.
භෝපාල්හි රජය විසින් පවත්වාගෙන යනු ලබන වෙඩි තැබීමේ ඇකඩමියකදියි මෙම සිදුවීම සිදු ව ඇත්තේ.
මධ්‍ය ප්‍රදේශ් ප්‍රාන්තයේ අශෝක් නගර් දිස්ත්‍රික්කයේ පදිංචි මෙම සිසුවා ප්‍රාන්ත අගනුවර වන බෝපාල්හි වෙඩි තැබීමේ ඇකඩමියේ නේවාසිකාගාරයක නැවතී සිට ඇති බවත් හෙළිව තිබෙනවා.
