ශ්‍රී ලාංකික ධීවරයින් පිරිසකට ඉන්දීය නාවික හමුදාව විසින් ශාරිරිකව පහර දුන් බවට පළවන මාධ්‍ය වාර්තා ශ්‍රී ලංකාවේ ඉන්දීය මහ කොමසාරිස් කාර්යාලය විසින් ප්‍රතික්ෂේප කර තිබේ.
එවැනි සිදුවීමක් සිදුවිය නොහැකි බවත් අදාළ මාධ්‍ය වාර්තා ප්‍රතික්ෂේප කරන බවත් ඉන්දීය මහ කොමසාරිස් කාර්යාලයේ ප්‍රකාශකයකු පැවසුවේය.
විනයගරුක වෘත්තිමය හමුදාවක් වන ඉන්දීය නාවික හමුදාව සිය වගකීම කිසි විටකත් පැහැර නොහරින අතර ඉන්දියාව සහ ශ්‍රී ලංකාව අතර ධීවරයින්ගේ ගැටලු මාන්ෂීය ආකාරයකින් ස්ථාපිත ද්වි පාර්ශවික යාන්ත්‍රණයක් තුළින් විසඳා ගත හැකි බවත් ඉන්දීය මහකොමසාරිස් කාර්යාලය වැඩි දුරටත් පවසා තිබේ.
