ඉන්දියාවේ ශ්‍රේෂ්ඨතම මළල ක්‍රීඩකයකු ලෙස සැලකෙන මිල්කා සිං කොවිඩ්-19 ආශ්‍රිත සංකූලතාවයන් හේතුවෙන් මිය ගොස් තිබේ.
වයස අවුරුදු 91 ක් සම්පූර්ණ කළ මිල්කා සිං, සිකුරාදා රාත්‍රියේ උතුරු චන්දිගාර් හි රෝහලක දී මිය ගිය බව පවුලේ ඥාතීන් විසින් තහවුරු කරන ලදී.
“පියාඹන සික්” ලෙස ඉන්දියානුවන්ගේ ආදරයට ලක් වූ මිල්කා සිං ආසියානු රන් පදක්කම් හතරක් දිනාගෙන ඇති අතර 1960 වසරේ රෝමයේ පැවති ඔලිම්පික් උළෙලේ දී මීටර් 400 ධාවන තරඟයෙන් සිව්වන ස්ථානය දිනා ගත්තේය.
2013 වසරේ දී ඔහුගේ ජීවිත කතාව සිනමාවට ද නැගුණි.
එහි දී ෆර්හාන් අක්තාර් විසින් මිල්කා සිංගේ චරිතය නිරූපනය කරන ලදී.
මිල්කා සිංගේ පෞරුෂයේ සිත්ගන්නා සුළු ස්වභාවය නිසාම චිත්‍රපටය ලොව පුරා රසිකයන් අතර ඉමහත් ජන්ප්‍රියත්වයට පත් විය.
නිදහස් ඉන්දියාවේ පළමු සුපිරි තරුව වෙනුවෙන් ඉන්දීය අග්‍රාමාත්‍ය නරේන්ද්‍ර මෝදි මහතා ට්විට් පණිවුඩයක් නිකුත් කරමින් ගිණිය නොහැකි තරම් ඉන්දියානුවන්ගේ හදවත් සොරකම් කළ ක්‍රීඩකයකු අහිමි වූ බව සඳහන් කර තිබේ.
