ප්‍රංශයේ ට්‍රාන්ස්බර්ග් ප්‍රවාහන මධ්‍යස්ථානයේදී ට්‍රෑම් රථ දෙකක් එකිනෙක ගැටී බරපතළ අනතුරක් සිදුව තිබෙනවා.
එහිදී ට්‍රෑම් රථ දෙකේ ගමන් කළ පුද්ගලයින් 30 දෙනෙක් තුවාල ලබා ඇති බවට වාර්තා වනවා.
ට්‍රෑම් රථ දෙක එකිනෙක ගැටී අනතුරට ලක්වී තිබුණේ ඉන් එක් ට්‍රෑම් රථයක් හදිසියේ පථය වෙනස් කර අනෙක් පථයක් වෙත යොමුවීමෙන් අනතුරුවයි.
ඉන් පසුව එය නවත්වා තිබූ ට්‍රෑම් රියක ගැටී තිබු බව විදෙස් මාධ්‍ය වාර්තා කරනවා.
ඒ සමඟ විශාල දුමාරයක් ද පැතිර ගිය බවත් ඉන් අනතුරුව දුම්රියේ සිරවූ පිරිස් මුදාගැනීම ආරම්භ කළ බවත් සඳහන් වනවා.
අනතුරින් කිසිවෙක් මියගොස් නොමැති අතර තුවාල ලැබූවන්ගෙන් පස් දෙනෙකුගේ තත්ත්වය බරපතළ බවට වාර්තා වනවා.
මේ අතර අනතුරට නිශ්චිත හේතු සොයා විමර්ශන ක්‍රියාත්මකයි.
