පාරිභෝගික නීති උල්ලංඝනය කරනු ලබන වෙළෙඳුන්ට එරෙහිව නීතිමය ක්‍රියාමාර්ග ගැනීමට පෙර ප්‍රථම වරට අවවාදාත්මක ලිපි ලබාදීමට කටයුතු කරන බව පාරිභෝගික අධිකාරියේ සභාපති හේමන්ත සමරකෝන් මහතා පැවසු බවට දිවයින පුවත්පත වාර්තා කරනවා.
මේ පිළිබඳව පාරිභෝගික අධිකාරියේ සභාපති කියා සිටියේ මෙම වෙළෙඳුන්ගෙන් බොහෝ දෙනකු සුළු ලාභ ලබන උදවිය බවයි.
ඒ හේතුවෙන් ඔවුන්ට දඩ මුදල් ගෙවීම තුළින් සිදුවෙන පාඩුව නිසා පළමුව අවවාද කර දෙවන වතාවේදී වරදක් කරනු ලැබුවොත් නීති ප්‍රකාර දඬුවම් පමුණුවන බව සමරකෝන් මහතා පවසනවා.
හාල්, සිල්ලර ඇතුළු ආහාර භාණ්ඩ පිළිබඳව එම වෙළෙඳුන්ට එරෙහිව පාරිභෝගිකයන්ගෙන් ලැබෙන පැමිණිලි අනුව සමහර වෙළෙඳුන් සමග තිබෙන පුද්ගලික අමනාප අනුවද ඔවුනට එරෙහිව පාරිභෝගික අධිකාරියට පැමිණිලි කරන බවද හේමන්ත සමරකෝන් මහතා වැඩිදුරටත් පවසා සිටියා.
