පාර්ලිමේන්තු මන්ත්‍රී අර්චුනා රාමනාදන් මහතා යළිත් වරක් කළහකාරී ලෙස හැසිරීමේ සිදුවීමක් වාර්තා වනවා.
ඒ අනුව අනුරාධපුර – රඹෑව ප්‍රදේශයේදී රථවාහන පොලීසියෙන් ඔහුව නවත්වා රියදුරු බලපත්‍රය ඉල්ලා සිටින අවස්ථාවේදී පොලිස් නිලධාරීන්ගෙ රාජකාරියට බාධා කරමින් අසභ්‍ය ලෙස ඔවුන්ට බැනවදින ආකාරයේ වීඩියෝවක් මේ වන විට සමාජ මාධ්‍ය තුළ සංසරණය වනවා.
එහි දැක්වෙන්නේ VIP විදුලි බල්බ දල්වාගෙන ඔහුට අයත් මෝටර් රථය ගමන් ගන්නා ආකාරයයි.
මෙහිදී ඔහු පවසන්නේ පාර්ලිමේන්තු මන්ත්‍රීවරුන් විශේෂ පුද්ගලයින් බැවින් ඒ ආකාරයෙන් VIP විදුලි බුබුළු දල්වාගෙන යාමේ අයිතිය තමන්ට ඇති බවයි.
පොලිස් රථවාහන අංශයෙන් සිංහල මන්ත්‍රීවරුන්ව මෙලෙස මහමගදී පරික්ෂාවට ලක්කරනේදැයි ප්‍රශ්න කරන මන්ත්‍රීවරයා පවසන්නේ තමන් පාර්ලිමේන්තුව තුළ සිංහල මන්ත්‍රීවරුන්ව නොමැතිව කටයුතු කිරීමට සූදානම් බවයි.
අර්චුනා රාමනාදන් මන්ත්‍රීවරයා මෙහිදී පොලිස් නිලධාරීන්ට පවසන්නේ මන්ත්‍රීවරයෙක් පාර්ලිමේන්තුවට ගමන්ගන්නා අතරතුර ඔහුගේ රිය පරික්ෂා කිරීමේ බලයක් පොලීසියට නොමැති බවයි.
