දශක දෙකක් පුරා ලෝකයේ ජනප්‍රිය වීඩියෝ ඇමතුම් සේවාවක්ව පැවති ස්කයිප්, මැයි මාසයේ සිට වසා දමන බව එහි හිමිකරු වන මයික්‍රොසොෆ්ට් සමාගම නිවේදනය කර තිබෙනවා.
ස්කයිප් සමාගම සිය X ගිණුමේ සටහනක් තබමින් දැනුම් දී ඇත්තේ මැයි මාසයේ සිට සිය මෙහෙයුම් නතර කරනු ලබන බවයි.
ඒ අනුව , මේ වන විට ස්කයිප් භාවිත කරන පරිශීලකයින්ට ඔවුන්ගේ පැරණි ඇමතුම් තොරතුරු එලෙසම පවත්වා ගනිමින් Microsoft Teams වෙත සම්බන්ධ විය හැකි බවද එම සමාගම දැනුම් දී තිබෙනවා.
ස්කයිප් සඳහා යෙදූ මුරපද (password) සමග ඔවුන්ට Microsoft Teams Free සම්බන්ධ වීමට හැකියාව ලැබෙනු ඇති.
2020 වසරේ ඇති වූ කොව්ඩ් වසංගතය හමුවේ සූම් වැනි නව වීඩියෝ තාක්ෂණය කරළියට පැමිණීමත් සමඟ ස්කයිප් සදහා පරිශීලකයන් ක්‍රමයෙන් අඩු වෙමින් පැවති අතර ස්මාර්ට් ජංගම දුරකථනවලට වඩාත් සුදුසු ආකාරයෙන් හැඩගැසීමට ඇති අභියෝග සමඟ ස්කයිප් සමාගමට අනෙකුත් වීඩියෝ ඇමතුම් සේවා සමඟ තරඟ කිරීමට සිදුව තිබුණා.
2003 දී ප්‍රථම වරට නිකුත් කරන ලද ස්කයිප් යෙදුම මයික්‍රොසොෆ්ට් සමාගම විසින් ඩොලර් බිලියන 8.5 කට මිලදී ගනු ලැබුවේ 2011 වසරේදීයි. ලොව පුරා විසිරී සිටින මිතුරන්ට සහ ඥාතීන්ට තම පරිගණක හරහා නොමිලේ වීඩියෝ සහ ඕඩියෝ ඇමතුම් ලබා ගැනීමට ස්කයිප් මඟින් අවකාශය සැලසුණාගණක හරහා නොමිලේ වීඩියෝ සහ ඕඩියෝ ඇමතුම් ලබා ගැනීමට ස්කයිප් මඟින් අවකාශය සැලසුණා.
