වෛද්‍ය අනිල් ජාසිංහ යළි කැඳවයි

මේ වන විට පරිසර අමාත්‍යංශයේ ලේකම්වරයා ලෙස පත්කර තිබෙන හිටපු සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා නැවත වරක් කොවිඩ් 19 මර්දන වැඩසටහන්වලට සම්බන්දකරගැනීමට සෞඛ්‍ය අමාත්‍යාංශය තීරණය කර තිබෙන බව සෞඛ්‍ය අමාත්‍ය පවිත්‍රා වන්නිආරච්චි මහත්මිය පවසනවා.
ඒ මහතාට උසස්වීමක් ලෙස පරිසර අමාත්‍යංශයේ ලේකම් ධූරය ලබාදී ඇති බවත් අද සිට සෞඛ්‍ය අමාත්‍යංශයේ පැවැත්වෙන කොවිඩ් 19 මර්දන රැස්වීම්වලට ඔහු සහභාගීකර ගන්නා බවත් සෞඛ්‍ය අමාත්‍යවරිය අද (18) පාර්ලිමේන්තුවේදී වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු ලබාදෙමින් මේබව සදහන් කළා.