26 C
Colombo
Wednesday, March 19, 2025

වල්ලපට්ටාවලින් මුදල් වංචා කළ ස්මාට් වින් අධ්‍යක්ෂ රිමාන්ඩ්

- Advertisement -

ස්මාට් වින් ප්‍රයිවට් ලිමිටඩ් නමැති ආයතනයේ අධ්‍යක්ෂවරයෙකු වන මංජුල වීරසිංහ නමැත්තා මෙම මස 23 වන දා දක්වා රක්ෂිත බන්ධනාගාර ගත කරන ලෙස කොළඹ ප්‍රධාන මහෙස්ත්‍රාත් තනූජා ලක්මාලි ඊයේ (මාර්තු 17) නියෝග කළා.

ඒ වල්ලපට්ටා වගා ව්‍යාපෘතියක් බව පවසමින් කුරුණෑගල ප්‍රදේශයේ පවත්වාගෙන ගිය නීති විරෝධී පිරමීඩාකාර මූල්‍ය ආයතනය හරහා පුද්ගලයන් 15,000ට වැඩි පිරිසකගෙන් රුපියල් කෝටි 200ට අධික මුදලක් ලබාගෙන වංචාවක් කළ බව පැවසෙන සිදුවිමක් සම්බන්ධයෙනුයි.

මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව මූල්‍ය අපරාධ කොට්ඨාසය මගින් අත්අඩංගුවට ගෙන අධිකරණය වෙත ඉදිරිපත් කර සිටි සෙසු සැකකාර අධ්‍යක්ෂවරුන් දෙදෙනා ඇප මත මුදාහරින ලෙසටද අධිකරණය නියෝග කළා.

සිද්ධිය සම්බන්ධයෙන් කරුණු දක්වමින් එම දෙපාර්තමේන්තුවේ විමර්ශන නිලධාරීන් අධිකරණය හමුවේ කියා සිටියේ, වල්ලපට්ටා වගාව පවත්වාගෙන යන මුවාවෙන් මොවුන් මෙම පිරමීඩාකාර මූල්‍ය ජාවාරම සිදු කරගෙන ගොස් ඇති බවත් දිවයිනේ විවිධ ප්‍රදේශවල පුද්ගලයන් 15,000ට අධික පිරිසක් මෙම මූල්‍ය වංචාවට හසුව ඇති බවයි.

මහ බැංකුවේ නීත්‍යනුකූල අයිතියක් නොමැතිව සිදුකර ඇති මෙම පිරමීඩාකාර ගනුදෙනුව හරහා මෙම අධ්‍යක්ෂවරුන් තැන්පත්කරුවන්ගේ රුපියල් කෝටි 200ට අධික මුදලක් වංචා කර ඇති බවට මෙතෙක් සිදුකළ විමර්ශනවලදී කරුණු අනාවරණය වී ඇති බවද එම විමර්ශන නිලධාරීන් අධිකරණයට දන්වා තිබෙනවා.

කුරුණෑගල, අනුරාධපුර, පුත්තලම, ආණමඩුව හලාවත, මොනරාගල, අම්පාර, ඇතුළු දිවයිනේ විවිධ ප්‍රදේශවල පුද්ගලයන් මෙන් ම විදෙස්ගතව රැකියාවල නිරතව සිටින පුද්ගලයන් පිරිසක් ද මෙම වංචාවට හසුව ඇති බවද විමර්ශන නිලධාරීන් අධිකරණය හමුවේ පවසා තිබුණා.

එක් වල්ලපට්ටා පැළයක් වෙනුවෙන් රුපියල් 30,000ක මුදලක් මොවුන් එක් තැන්පත්කරුවෙකුගෙන් ලබාගෙන ඇති බවත් ඒ අනුව ඇතැම් තැන්පත්කරුවන් රුපියල් තිස්දහසේ සිට ලක්ෂ 5, 10, 15, 30, 40, 50 වශයෙන් එම නීති විරෝධී ආයතනයට මුදල් ආයෝජනය කර ඇති බව විමර්ශන නිලධාරීන් අධිකරණයට දැක්වූ කරුණුවලින් හෙළිව තිබෙනවා.

එම නිලධාරීන් සිද්ධිය සම්බන්ධයෙන් වැඩිදුරටත් කරුණු දක්වමින් අධිකරණය හමුවේ කියා සිටියේ, සිද්ධියට සම්බන්ධ තවදුරටත් විමර්ශන කටයුතු පවත්වාගෙන යන බවත් මෙම වංචාවට අදාළව තවත් සැකකරුවන් හඳුනාගෙන ඇති අතර ඔවුන් අධිකරණය වෙත ඉදිරිපත් කිරීමට කඩිනමින් පියවර ගන්නා බව ත් ය.

වීරතුංග ආරච්චිගේ ප්‍රීති කොස්තා නමැත්තෙකු ඇතුළු පිරිසක් අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාසය වෙත කරන ලද පැමිණිලි අනුව මෙම විමර්ශන ආරම්භ කර තිබෙනවා.

RECENT ARTICLES - SINHALA

රනිල්ට ඇයි මෙච්චර බය – තලතා අතුකෝරළ

භීෂණ සමයේ ඝාතනය වූ සියලු දෙනා වෙනුවෙන් පරික්ෂණයක් සිදුකළ යුතු බව එක්සත් ජාතික පක්ෂයේ මහ ලේකම් තලතා අතුකෝරළ පවසනවා. අද (18) මාධ්‍ය හමුවට එක්වෙමින් ඇය...

නිලධාරීන්ගේ පහරදීමකින් රැඳවියෙක් මරුට

මැගසින් බන්ධනාගාරයේ මත්ද්‍රව්‍ය පරීක්ෂාවකදී සිදුවූ පහරදීමකින් තුවාල ලැබූ රැඳවියෙකු මියගොස් තිබෙනවා. අදාළ පහරදීම සම්බන්ධයෙන් චෝදනා එල්ල වී ඇත්තේ බන්ධනාගාර නිලධාරීන් දෙදෙනෙකුට සහ තවත් රැඳවියන් දෙදෙනෙකුටයි. අයිස්...

වැලිකන්ද හිටපු OIC අල්ලන්නැයි නියෝගයක්

වැලිකන්ද හිටපු පොලිස් ස්ථානාධිපතිවරයා අත්අඩංගුවට ගෙන අධිකරණයට ඉදිරිපත් කරන්නැයි පොළොන්නරුව අංක 02 මහේස්ත්‍රාත් එන්. අන්සර් සදාත් මහතා පොලිසියට අද (18) නියෝග කර තිබෙනවා. ඒ...

POPULAR ARTICLES

රනිල්ට ඇයි මෙච්චර බය – තලතා අතුකෝරළ

භීෂණ සමයේ ඝාතනය වූ සියලු දෙනා වෙනුවෙන් පරික්ෂණයක් සිදුකළ යුතු බව එක්සත් ජාතික පක්ෂයේ මහ ලේකම් තලතා අතුකෝරළ පවසනවා. අද (18) මාධ්‍ය හමුවට එක්වෙමින් ඇය...

නිලධාරීන්ගේ පහරදීමකින් රැඳවියෙක් මරුට

මැගසින් බන්ධනාගාරයේ මත්ද්‍රව්‍ය පරීක්ෂාවකදී සිදුවූ පහරදීමකින් තුවාල ලැබූ රැඳවියෙකු මියගොස් තිබෙනවා. අදාළ පහරදීම සම්බන්ධයෙන් චෝදනා එල්ල වී ඇත්තේ බන්ධනාගාර නිලධාරීන් දෙදෙනෙකුට සහ තවත් රැඳවියන් දෙදෙනෙකුටයි. අයිස්...

වැලිකන්ද හිටපු OIC අල්ලන්නැයි නියෝගයක්

වැලිකන්ද හිටපු පොලිස් ස්ථානාධිපතිවරයා අත්අඩංගුවට ගෙන අධිකරණයට ඉදිරිපත් කරන්නැයි පොළොන්නරුව අංක 02 මහේස්ත්‍රාත් එන්. අන්සර් සදාත් මහතා පොලිසියට අද (18) නියෝග කර තිබෙනවා. ඒ...