වගාවට හානි කරන රිලව් මරා දැමිය යුතු බව සමගි ජන බලවේගයේ හම්බන්තොට දිස්ත්‍රික් මන්ත්‍රී දිලිප් වෙදආරච්චි මහතා පවසනවා.
වගා බිමට පැමිණෙන රිලව් මරා දැමීමට අවශ්‍ය බවට ලාල් කාන්ත අමාත්‍යවරයාද පවසා තිබුණු බවට සඳහන් කරමින් දිලිප් මන්ත්‍රීවරයා කියා සිටියේ, තමන්ද එම කතාව අනුමත කරන බවයි.
එබැවින් රිලවුන්ගේ ගැටලුවට ආණ්ඩුව වහාම වැඩපිළිවෙළක් සකසා දිය යුතු බව මන්ත්‍රීවරයා එහිදී වැඩිදුරටත් කියා සිටියා.
” අපිට තුන්වේලට කන්න පොල් ඕන.බත් ඕන. මාළු ඕන. ඒවා අපේ ප්‍රධාන ආහාර.රිලා ප්‍රශ්නයට ආණ්ඩුව වහාම වැඩපිළිවෙළක් හදන්න ඕන”
කෙසේවෙතත් සිය වගා බිමට පැමිණෙන ඕනෑම වන සතෙකු මරා දැමීමට ගොවීන්ට කිසිදු නීතිමය බාධාවක් නැති බවට ලාල්කාන්ත අමාත්‍යවරයා පසුගිය වසරේ දෙසැම්බර් මසක පාර්ලිමේන්තුවේ දී පවසා සිටි අතර මෙය වගකීම් විරහිත බරපතළ ප්‍රකාශයක් බව විවිධ පාර්ශ්වයන් විසින් චෝදනා එල්ල කළා.
