යූරෝ කුසලාන තරගාවලියේ අර්ධ අවසන් පුර්ව වටයේ පළමු තරඟය ස්විට්සර්ලන්තය සහ ස්පාඤ්ඤය අතර පැවැත්වුණා.
යුරෝ කුසලාන තරඟාවලියකදී මෙම රටවල් ද්විත්වය එකිනෙකා හමු වූ පළමු අවස්ථාව මෙයයි.
ස්විට්සර්ලන්තය මීට පෙර ලෝක කුසලාන තරගාවලි 3ක අර්ධ අවසන් පූර්ව වටයට පිවිස තිබුණද යූරෝ කුසලාන තරගාවලියක අර්ධ අවසන් පූර්ව වටයට පිවිසියේ පළමු වරටයි.
කෙසේ වෙතත් ලෝක කුසලාන අර්ධ අවසන් පූර්ව වටයේ තරඟ 3ම ස්විට්සර්ලන්තය පරාජයට පත්ව තිබෙනවා.
මෙවර තරඟාවලියේ දී ස්විට්සර්ලන්තය අර්ධ අවසන් පූර්ව වටයට පිවිසියේ ලෝක ශූර ජර්මනිය පරාජයට පත්කරමින් වන අතර ස්පාඤ්ඤය 5-3ක් ලෙස ක්‍රොඑෂියාව පරාජය කරමින් අවසන් පූර්ව වටයට පිවිසියා.
ඊයේ (02) තරඟයේ අටවන මිනිත්තුවේදීම ස්විට්සර්ලන්ත දැල ආක්‍රමණය කරමින් ගෝලයක් වාර්තා කළ Jordi Alba ස්පාඤ්ඤයට ප්‍රබල ආරම්භයක් ලබා දුන්නා.
ඒ අනුව තරඟයේ පළමු අර්ධය නිමා වනවිට 1-0ක් ලෙස ස්පාඤ්ඤය පෙරමුණේ පසුවුණා.
Xherdan Shaqiri තරඟයේ 68 වන මිනිත්තුවේදී ගෝලයක් ලබා ගැනීමත් සමග ස්විට්සර්ලන්තය තරඟයට අවතීර්ණ වුණා.
ඉන්පසුව කණ්ඩායම් දෙකම ඉතා ආක්‍රමණශීලී තරඟ රටාවක නිරත වූ අතර ගෝල ලබා ගැනීමේ අවස්ථා කිහිපයක්ද දෙරටම අහිමි වුණා.
අතිරේක කාලය දක්වා තරඟය පැවැත්වුණද 1-1 වූ ලකුණු සංඛ්‍යාව වෙනස් වූයේ නැහැ.
ඒ අනුව දඬුවම් පහර මගින් ජයග්‍රාහකයා තේරීමේ අවස්ථාවට එළැඹුණා.
සුපිරි 16දෙනාගේ වටයේදී ස්විට්සර්ලන්තය ජර්මනිය පරාජය කරමින් අර්ධ අවසන් පූර්ව වටයට සුදුසුකම් ලැබුවේ දඬුවම් පහර මගින් වීම විශේෂත්වයක්.
එම තරගයේදී ස්විට්සර්ලන්තය දඬුවම් පහර පහම සාර්ථක කරගත්තා.
නමුත් ඊයේ තරඟයේදී ස්පාඤ්ඤය දඬුවම් පහර තුනක් සාර්ථක කර ගනිමින් අවසන් පූර්ව වටයේ සිය ස්ථානය තහවුරු කරගනිද්දී ස්විට්සර්ලන්තයට තරඟාවලියෙන් ඉවත්වීමට සිදුවුණේ එක් දඬුවම් පහරක් පමණක් සාර්ථක වීම නිසාවෙන්.
යූරෝ කුසලාන තරඟාවලිය තුල ස්පාඤ්ඤය දඬුවම් පහර මගින් තරඟයක් ජයගත්තේ සිව්වන වරටයි.
(1994 – ඩෙන්මාර්කය / 2008 – ඉතාලිය / 2012 – පෘතුගාලය) එය තරගාවලි ඉතිහාසයේ වැඩිම අවස්ථා ගණනයි.
එමෙන්ම යූරෝ කුසලාන තරඟාවලිය තුල ස්විට්සර්ලන්තය සහභාගී වූ පිලිමලුන් පිටුදැකීමේ වටයේ තරඟ තුනම ( 2016 – පෝලන්තය / 2021 – ප්‍රංශය) දඬුවම් පහර මගින් ජයග්‍රහණය තීරණය කළ තරඟවීමත් විශේෂත්වයක්.
