තමන් විසින් ඉදිරිපත් කළ පැමිණිළි කඩිනමින් විමර්ශනය කරදෙන ලෙසට බලකරමින් කිලිනොච්චිය ධර්මපුරම් පොලිස් ස්ථානාධිපතිවරයාට රුපියල් 50,000 ක අල්ලසක් ලබාදුන් එංගලන්ත පුරවැසිභාවය හිමි පුද්ගලයෙක් අත්අඩංගුවට ගත් බව ධර්මපුරම් පොලිසිය පවසනවා.
පහරදීම් සිද්ධියක් සහ පවුල් ආරවුල් සම්බන්ධයෙන් ඉදිරිපත් කළ පැමිණිලි තමන්ට වාසිදායක ලෙස කඩිනමින් විසදා දෙන ලෙසට කිලිනොච්චිය,ධර්මපුරම් පොලිස් ස්ථානාධිපති පොලිස් පරීක්ෂක එම්.එම්.ඩි.එන් චතුරංග මහතා වෙත බලපෑම් කරමින් සැකකාර පුද්ගලයා 5,000 මුදල් නෝට්ටු සහිත ලියුම් කවරයක් තුළ රුපියල් 5,000ක මුදල ස්ථානාධිපතිවරයාගෙ මේසය මත තබා ඇති බවද පොලිසිය සඳහන් කළා.
පොලිසිය වැඩිදුරටත් කියා සිටියේ, සැකකරුට විදේශගතවීමට අවශ්‍ය බැවින් පැමිණිල්ල තමන්ට වාසිදායක ලෙස විසදා දෙන ලෙසට පොලිස් නිලධාරීන් වෙතද බලකර ඇති බවත් මුදල් ලබාදෙන අවස්ථාවේදී පොලිස් නිලධාරීන් විසින් සැකකරු අත්අඩංගුවට ගෙන ඇති බවයි.
