මැතිවරණ නීති උල්ලංඝණය සම්බන්ධයෙන් පැය 24 ක් ඇතුළත පැමිණිලි 102 ක් ලැබී ඇති බව මැතිවරණ කොමිසම පවසනවා.
කොමිසම සඳහන් කළේ, ජාතික මැතිවරණ පැමිණීලි කළමණාකරණ මධ්‍යස්ථානයට 15 ක් හා දිස්ත්‍රික් මැතිවරණ පැමිණිලි කළමනාකරණ මධ්‍යස්ථානයට පැමිණිලි 87 ක් ලැබී ඇති බවයි.
එමෙන්ම, පසුගිය මස 20 වැනිදා සිට මේ මස 05 වැනිදා දක්වා මැතිවරණ නීති උල්ලංඝණය කිරීම සම්බන්ධයෙන් පැමිණිලි 712 ක් ලැබී ඇති බවද මැතිවරණ කොමිසම පවසනවා.
එමෙන්ම මෙම කාල සීමාව අතරතුර ප්‍රචණ්ඩ ක්‍රියා සම්බන්ධයෙන් වාර්තා වී ඇති පැමිණිලි සංඛ්‍යාව 4 ක් බවද සඳහන් වෙනවා.
