1999 වසරේ සිදුවූ මිනිස් ඝාතන සිද්ධියක් සම්බන්ධයෙන් අමාත්‍ය ජනක බණ්ඩාර තෙන්නකෝන් මහතාට එරෙහිව නීතිපති ගොනු කර තිබුණු අධිචෝදනා පත්‍රයක් නීතියට පටහැනි යැයි තීන්දු කළ අභියාචනාධිකරණය එය බලරහිත කරමින් රිට් ආඥාවක් නිකුත් කර ඇත.
නොවැම්බර් 20 වන දින අභායාචනාධිකරණ සභාපති විනිසුරු ඒ.එච්.එම්.ඩී නවාස් සහ සෝභිත රාජකරුණා යන මහත්වරුන්ගෙන් සමන්විත විනිසුරු මඩුල්ලක් අදාල නියෝගය නිකුත් කර ඇත
පෙත්සම්කාර තෙන්නකෝන් මහතා අධිකරණය හමුවේ ගොනුකර ඇති රිට් පෙත්සමේ සඳහන් කර තිබුණේ, 1999 වසරේ මහවෙල ප්‍රදේශයේ ඇති වූ ඝාතනයක් සම්බන්ධයෙන් යහපාලන රජය විසින් තමන්ට එරෙහිව මහනුවර මහාධිකරණය හමුවේ අධිචෝදනා පත්‍රයක් ගොනු කළ බවත් එම අධිචෝදනා පත්‍රය නීතිපතිවරයා ගොනු කර තිබෙන ආකාරය නීතියට පටහැනි බවත් එය බලරහිත කිරීමේ රිට් ආඥාවක් නිකුත් කරන ලෙසත් ඉල්ලමිනි.
