හිටපු පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර මහත්මිය විසින් ශ්‍රේෂ්ඨාධිකරණයට මූලික අයිතිවාසිකම් පෙත්සමක් ගොනු කර තිබෙනවා.
ඒ, හිටපු පාර්ලිමේන්තු මන්ත්‍රී භාරත ලක්ශ්මන් ප්‍රේමචන්ද්‍ර මැතිතුමා ඝාතනය කිරීම සම්බන්ධයෙන් අධිකරණයෙන් මරණ දඬුවම ලැබූ හිටපු පාර්ලිමේන්තු මන්ත්‍රී දුමින්ද සිල්වා හට ජනාධිපති සමාව ලබාදීමෙන් තම මූලික අයිතිවාසිකම් උල්ලංඝනය වූ බව පවසමින්.
ඒ අනුව SC FRA 221/21 යන අංකය යටතේ අදාළ පෙත්සම ගොනු කළ බව හිටපු පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර මහත්මිය News 19 වෙත පැවසුවා.
හිටපු පාර්ලිමේන්තු මන්ත්‍රී දුමින්ද සිල්වා හට පසුගිය ජූනි 14 වනදා ජනාධිපති සමාව හිමිවිය. ඒ පොසොන් පොහොය දිනය නිමිත්තෙන්.
පසුව පසුගිය 16වනදා ඔහුව ජාතික නිවාස සංවර්ධන අධිකාරියේ නව සභාපතිවරයා වශයෙන් ජනාධිපතිවරයා විසින් පත් කරනු ලැබුවා.
