කැබිනට් සංශෝධනයක් මඟින් ශ්‍රී ලංකා රජයේ සෞඛ්‍ය අමාත්‍ය ධුරයේ ඊයේ (16) සිදු කරන ලද වෙනස්කම් විදෙස් මාධ්‍යයන්හි ද අවධානයට ලක් වුණා.
ඒ අනුව කොවිඩ්-19 සමඟ සටන් කිරීම සඳහා මන්තර ගුරුකම් සහ මැජික් ඖෂධ ප්‍රසිද්ධියේ අනුමත කළ ශ්‍රී ලංකාවේ සෞඛ්‍ය ඇමතිවරිය ශ්‍රී ලංකාවේ ජනාධිපතිවරයා විසින් ඉවත් කිරීමට කටයුතු කර ඇති බව අල් ජසීරා වාර්තා කර තිබෙනවා.
මන්තර ගුරුකම් කරන්නෙකු විසින් කොවිඩ්-19 වෛරසයට එරෙහිව නිෂ්පාදනය කළ “මැජික් ඖෂධයක්” ඇය විසින් ප්‍රසිද්ධියේ පරිභෝජනය කර අනුමත කළද වන්නිආරච්චි මහත්මිය ජනවාරියේදී දැඩි සත්කාර ඒකකයට ඇතුළු කරනු ලැබූ බව ද අල් ජසීරා පවසනවා.
අල් ජසීරා මාධ්‍ය ආයතනය වැඩි දුරටත් සදහන් කරන්නේ මිලියන 21 ක ජනගහනයක් වෙසෙන ශ්‍රී ලංකාවේ වසංගතය අවසන් කරන බවට දෙවියන්ගෙන් ලැබුණු පණිවිඩයක් අනුව ඇය නොවැම්බර් මාසයේදී “ආශීර්වාද ලත්” වතුර මුට්ටි ගඟකට වත් කරනු ලැබූ බවයි.
පවිත්‍රා වන්නිආරච්චිගේ පාලන කාලය තුළ කොවිඩ්-19 වෛරස ආසාදන අවතක්සේරු කිරීම හේතුවෙන් පසුගිය සතියේදී සෞඛ්‍ය අමාත්‍යාංශය දැඩි විවේචනයට ලක්වුණා.
කෙසේ වෙතත් සෞඛ්‍ය අමාත්‍ය ධූරයෙන් බලයෙන් පහ කළත් ඇය කැබිනට් මණ්ඩලයේ තව දුරටත් රැඳී සිටින අතර ජනාධිපතිවරයා ඇයට ප්‍රවාහන අමාත්‍යාංශය ලබා දුන් බවද අල් ජසීරා වාර්තා කරනවා.
අල් ජසීරා පලකල එම ලිපිය මෙතනින්,
