මෙරට ඛනිජ තෙල් හිඟයක් නොමැති බව බලශක්ති අමාත්‍ය උදය ගම්මන්පිල මහතා පවසනවා.
දින 22කට ප්‍රමාණවත් ඩීසල් සහ දින 18කට ප්‍රමාණවත් පෙට්‍රල් තොග රට තුළ ඇති බවත් තෙල් හිඟයක් ඇත්නම් එය රටට මුලින්ම කියා සිටින්නේ තමන් බවයි අමාත්‍යවරයා පවසන්නේ.
එමෙන්ම මේ සතිය තුළ තවත් පෙට්‍රල් නැවක් මෙරටට පැමිණීමට නියමිත බවත් උදය ගම්මන්පිල මහතා පවසනවා.
තමන් ජනතාවට බොරු නොකියන බවත් තෙල් නැව පැමිණීමෙන් අනතුරුව මෙරට තෙල් සංචිතය තවත් ඉහළ යන බවත් ඔහු අවධාරණය කර සිටිනවා.
” සාමාන්‍යයෙන් මේ වගේ තමයි තොග පවත්වා ගන්නේ. අපි වගේ දිළිඳු රටකට මාස ගණනන් ඉන්ධන තොග තබාගන්න බෑ…ඇත්තටම ඩොලර් ප්‍රශ්නයක් තියෙනවා. ඒ ගැන ඉස්සෙල්ලාම ප්‍රකාශ කළේ මම. ඛනිජ තෙල්වලට රට තුළ තවමත් විකල්පයක් නොමැති නිසා ඩොලර් ප්‍රමුඛතා පදනමින් වෙන්කිරීමේ දී අංක එකේ ප්‍රමුඛතාවය දීලා තියෙන්නේ තෙල්වලට. ඒ නිසා ඩොලර් හිඟය මැද වුණත් තෙල් හිඟයක් ඇති වෙලා නැත්තේ.”
