රාජ්‍ය අංශය තුළ සේවය කරන කිසිදු සේවකයෙකුගේ වැටුප් කප්පාදුවක් කිරීමට තීරණය කර නොමැති බව ජනමාධ්‍ය අමාත්‍ය, කැබිනට් ප්‍රකාශක ඩලස් අලහප්පෙරුම මහතා පවසයි.
ඒ, අද (24) පැවති කැබිනට් තීරණ දැනුම්දීමේ මාධ්‍ය හමුව අමතමින්.
එවැන්නක් සඳහා කිසියම් අරමුදලක් පිහිටුවීමේ හෝ කිසිදු උත්සාහයක් හෝ නොමැති බවයි කැබිනට් ප්‍රකාශකවරයා පවසන්නේ.
කැබිනට් අමාත්‍යවරුන් සහ පාර්ලිමේන්තුව නියෝජයනය කරනු ලබන පක්ෂ විපක්ෂ මන්ත්‍රීවරුන් විසින් තම අගෝස්තු මාසයේ වැටුප කොවිඩ් අරමුදල වෙනුවෙන් පරිත්‍යාග කිරීමට තීරණය කෙරුණා.
කැබිනට් මණ්ඩලය ගත් තීරණය රාජ්‍ය අංශයේ හෝ පෞද්ගලික අංශයේ පවා වැටුප් කප්පාදු කිරීමක් වෙත යොමු කිරීමේ උත්සාහයක් බවට පළවන වාර්තා වල සත්‍යතාවක් නොමැති බවයි අමාත්‍ය ඩලස් අලහප්පෙරුම පවසන්නේ.
