එළැඹෙන 30 වන සඳුදායින් පසුව රට තවදුරටත් වසා නොදමනු ඇති බවට සෞඛ්‍ය අමාත්‍ය කෙහෙළිය රඹුක්වැල්ල මහතා පවසනවා.
ඇතැම් තීරණ ගැනීමට හදවතින් එකඟ නොවුනද විවිධ පුද්ගලයන්ගේ අදහස්වලට ඇහුම්කන්දී ඔවුන්ගේ ඉල්ලීම් ඉටුකිරීමට සිදුවන අවස්ථා උදාවන බවද අමාත්‍යවරයා ලංකාදීප පුවත්පත සමග පවසා තිබෙනවා.
අඩු ආර්ථිකයක් පවතින රටක් වසාදමා ඉදිරියට යා නොහැකි බව පෙන්වා දෙන අමාත්‍යවරයා මහජනතාවගේ සහයෝගය උපරිම ලෙස ලබාගෙන කොවිඩ් වසංගතය පාලනය කිරීම වඩාත් ප්‍රායෝගික ක්‍රියාදාමය යැයි තමාගේ පෞද්ගලික අදහස බවත් පවසනවා.
රට වසාදමන්නයැයි ඉල්ලීම් කළ කණ්ඩායම් අතර පාපිෂ්ඨ සාහසික බලවේගද ක්‍රියාත්මක වූ බවත් ඔවුන්ගේ යටි අරමුණ අවබෝධ නොවීමට තරම් ආණ්ඩුව මෝඩයන් නොවන බවත් කෙහෙළිය රඹුක්වැල්ල අමාත්‍යවරයා වැඩිදුරටත් පවසා තිබෙනවා.
