ඇෆ්ගනිස්ථානයේ බලය අල්ලාගැනීමෙන් අනතුරුව පිහිටුවන ලද තලේබාන් සංවිධානයේ අතුරු කැබිනට් මණ්ඩලය පිළිගැනීම ශ්‍රී ලංකාවේ සිටින ඇෆ්ගනිස්ථාන තානාපතිවරයා ප්‍රතික්ෂේප කර තිබෙනවා.
තලේබාන් රජය නීත්‍යානුකූල නොවන බව පවසා ශ්‍රී ලංකාවේ සිටින ඇෆ්ගනිස්ථාන තානාපති අෂ්රෆ් හයිදාරි මහතා ලිපියක් මගින් එය මෙරට රජයටත් කොළඹ පිහිටි රාජ්‍ය තාන්ත්‍රික ප්‍රජාවටත් දැනුම්දී ඇති බවයි වාර්තා වන්නේ.
තලේබාන් සංවිධානය මේ වන විට ඇෆ්ගනිස්ථානයේ බලය තහවුරු කර අතුරු පාලනයක් ප්‍රකාශයට පත් කර ඇති අතර එම රට “ඉස්ලාමීය එමිරේට්” (Islamic Emirate) ලෙස ප්‍රකාශයට පත් කර තිබෙනවා.
මුස්ලිම් කාන්තාවන් බුර්කාව ඇඳීම පිළිබදව ශ්‍රී ලංකාවේ සිටින ඇෆ්ගනිස්ථාන තානාපති අෂ්රෆ් හයිදාරි මහතා දැඩි ලෙස විරෝධය පලකරන පුද්ගලයෙක්.
ඔහු ඒ පිළිබදව ට්විටර් පණිවුඩ පවා නිකුත්කර තිබෙනවා.
