ඇමරිකානු රාජ්‍ය ලේකම් ඇන්තනි බ්ලින්කන් සහ බ්‍රිතාන්‍යය විදේශ ලේකම් එලිසබෙත් ට්‍රස් අතර විශේෂ සාකච්ඡාවක් පවත්වා තිබේ.
අලුතින් තනතුරට පත් බ්‍රිතාන්‍යය විදේශ ලේකම්වරියට සුබ පැතූ ඇමරිකානු රාජ්‍ය ලේකම්වරයා පොදු විදේශ ප්‍රතිපත්තියක අවශ්‍යතාවය පිළිබද මෙහිදී සාකච්ඡා කර තිබේ.
විශේෂයෙන් චීනය, ඉරානය සහ ඇෆ්ගනිස්තානය සම්බන්ධයෙන් අනුගමනය කළ යුතු පිළිවෙත පිළිබදව මෙහිදී අදහස් හුවමාරු වූ බව විදෙස් මාධ්‍ය වාර්තාවල සදහන් වේ.
මීට අමතරව දේශගුණික විපර්යාසය සහ මිල ප්‍රතිපත්තිය පිළිබදවද මෙම සාකච්ඡාවේදී අවධානයට ලක්ව ඇත.
