පාර්ලිමේන්තු මන්ත්‍රී ප්‍රේමලාල් ජයසේකර මහතාට නියම කර ඇති මරණ දඬුවම ඉවත් කරන ලෙස ඉල්ලමින් ගොනුකළ අභියාචනා පෙත්සම සලකා බැලීමට දින නියම කර තිබෙනවා.
ඒ, අදාල පෙත්සම අද නිශ්ශංඛ බන්දුල කරුණාරත්න සහ ආර්. ගුරුසිංහ යන අභියාචනාධිකරණ විනිසුරුවරුන්ගෙන් සමන්විත ද්විපුද්ගල අභියාචනාධිකරණ විනිසුරු මඩුල්ල හමුවේ හමුවේ කැඳවූ අවස්ථාවේදීයි.
ඒ අනුව, නොවැම්බර් 25 වැනිදා පෙත්සම සලකා බැලීමට දින නියම කෙරිණි.
2015 ජනාධිපතිවරණ සමයේ මෛත්‍රීපාල සිරිසේන මහතාගේ රැස්වීමකට සූදානම් වෙමින් සිටි එක්සත් ජාතික පක්ෂයේ පාක්ෂිකයන් පිරිසකට වෙඩි තබා පුද්ගලයෙකු ඝාතනය කිරීම සහ තවත් දෙදෙනෙකුට මාරාන්තික ලෙස තුවාල කිරීම සම්බන්ධයෙන් වැරදිකරු වීම නිසා රත්නපුර දිස්ත්‍රික් හිටපු පාර්ලිමේන්තු මන්ත්‍රී ප්‍රේමලාල් ජයසේකර ඇතුළු තිදෙනෙකුට 2020 ජූලිමස 03දා මරණ දඬුවම නියම කෙරුණා..
අදාල තීන්දුව දෝෂ සහිත බැවින් එම තීන්දුව බලරහිත කරන ලෙස ඉල්ලා ජයසේකර මහතා අභියාචනාධිකරණය හමුවේ පෙත්සමක් ගොනු කළේය.
