සමෘද්ධිලාභීන් යොදවා ගනිමින් හෙට (18) දිනයේ ගුරුවරුන්ට එරෙහිව උද්ඝෝෂණයක් පැවැත්වීමට නියමිත බවට ලංකා ගුරු සංගමයේ ලේකම් ජෝසප් ස්ටාර්ලින් මහතා පවසනවා.
ඔහු පවසන්නේ රජයෙන් සමෘද්ධි ප්‍රතිලාභී පවුල්වල සාමාජිකයින් යොදවා ගනිමින් බත්තරමුල්ල දියත උයන පරිශ්‍රය ආශ්‍රිතව මෙම උද්ඝෝෂණය ආණ්ඩුවේ මන්ත්‍රීවරයෙකුගේ අනුග්‍රහය මත පැවැත්වීමට නියමිත බවයි.
සමෘද්ධිලාභීන් මේ පිළිබදව නිසි අවබෝධයක් නොමැති බවත්, මීට සහභාගී නොවුනහොත් තම සමෘද්ධි දීමනාව අහිමිවීමේ අවදානමක් පවතින නිසාවෙන් ඔවුන් මෙම උද්ඝෝෂණයට සහභාගීවීමට නියමිත බවත් ස්ටාර්ලින් මහතා News19 වෙත පැවසුවා.
ගුරුවරුන්ගේ වැටුප් ගැටළුව විසදනවා වෙනුවට එම වෘත්තීය ක්‍රියාමාර්ගයට එරෙහිව ආණ්ඩුව මේ වන විට විවිධ ආකාරයේ බාල ක්‍රියාමාර්ග ගුරුවරුන්ට එරෙහිව ක්‍රියාත්මක කෙරෙමින් සිටින බවත් මෙවැනි උද්ඝෝෂණ තුළින් ගුරු – විදුහල්පති වෘත්තීය ක්‍රියාමාර්ගයට බලපෑමක් නොවන බවත් ඔහු වැඩිදුරටත් සදහන් කළා.
