පොහොර ගැටළුවට විසඳුම් ලබාදෙන ලෙස හා ඉහළ යන ජීවන වියදම පහළ දමන ලෙස ඉල්ලමින් විරෝධතා ඊයේ (23) දිනයේත් දිවයින පුරා ක්‍රියාත්මක විය.
දඹුල්ල නගර මධ්‍යයෙන් ආරම්භ වූ පෙළපාලියක් දඹුල්ල විශේෂිත ආර්ථික මධ්‍යස්ථානය දක්වා ගමන් කරා. දඹුල්ල ප්‍රදේශයේ පැවති විරෝධතාවයකදී මුදල් අමාත්‍යවරයා ලෙස සැරසුණු පුද්ගලයෙකුට පහරදී එළවීමක් ද සිදුවිය.
පොහොර ගැටළුවට විසදුම් ඉල්ලා හපුතලේ නගරයේදීත් විරෝධතාවයක් ක්‍රියාත්මක වූ අතර
බදුල්ල දිස්ත්‍රික් පාර්ලිමේන්තු මන්ත්‍රී වඩිවේල් සුරේෂ් මහතා ජනතාවට දළු කෑමට සිදුව ඇති බව පවසමින් මාධ්‍ය හමුවේ තේ දළු සපා පෙන්වා සිටියා.
බඳගිරියේ පැවති තවත් විරෝධතාවයකදී පඹයන් පුළුස්සම්න් විරෝධතාවයේ නිරතවූ අතර කලවාන සහ මීරිගම නගර වලද ඊයේ දින විරෝධතා පැවතියා. එමෙන්ම වේඬරුව වෙල් යායේ පැවති විරෝධතාවයේදීද ජනතාව පඹයන් ගිණිතබා විරෝධතාවය පලකට සිටියා.
