තමන් ජනාධිපති ධූරයෙන් ඉවත්වීමට පෙර කොළඹින් නිවාස තුනක් එක් කර තනි නිවාසයක් සාදාගත් බවට කෘෂිකර්ම අමාත්‍ය මහින්දානන්ද අලුත්ගමගේ අමාත්‍යවරයා සිදුකළ චෝදනාව සම්පූර්ණයෙන්ම ප්‍රතික්ෂේප කරන බව හිටපු ජනාධිපති මෛත්‍රිපාල සිරිසේන මහතා පවසනවා.
ඊයේ (11) පාර්ලිමේන්තුව අමතමින් ඒ මහතා සඳහන් කළේ තමන් විස්කි බිබී ඇමතිවරුන් සමඟ ආණ්ඩු කළ බවට මහින්දානන්ද මහතා සිදුකල චෝදනාවද තරයේ ප්‍රතික්ෂේප කරන බවයි.
තමන් කිසිසේත් මත්පැන් භාවිතා නොකරන බවත් මත්ද්‍රව්‍ය නිවාරණයට දැවැන්ත වැඩපිළිවෙලක් ක්‍රියාත්මක කළ බවත් පාර්ලිමේන්තු මන්ත්‍රී මෛත්‍රිපාල සිරිසේන මහතා මෙහිදී පෙන්වා දුන්නා.
තමන්ට හිමිවූයේ එකල ජනමාධ්‍ය අමාත්‍යවරයාව සිටි කෙහෙළිය රඹුක්වැල්ල මහතා සිටි නිල නිවස බවත් එය ගෙවල් එකක් එක්කර තනි නිවාසයක් බවට පත්කර ඇත්තේ හිටපු අග්‍රාමාත්‍ය ඩී.බී. විජේතුංග මහතාගේ කාලයේ බවත් මෛත්‍රිපාල සිරිසේන මහතා මෙහිදී සදහන් කළා.
ඒ මහතා වැඩිදුරටත් සදහන් කළේ එම නිවසද පිටතින් අලංකාරව දිස්වුවද ඇතුළතින් බිත්ති පුපුරා, වහලය හා සිවිලිම කැඩී දිරාපත්ව ඇති ගෙයක් බවයි.
ප්‍රවෘත්ති සාකච්ඡා පැවැත්වීමට කෙහෙළිය රඹුක්වැල්ල මහතා එම නිවසට අලුතින් කොටසක් එක්කර තිබුණද තමන් එය ගලවා ඉවත් කළ බවද මෛත්‍රිපාල සිරිසේන මහතා පාර්ලිමේන්තුව අමතමින් සදහන් කළා.
ඊට අදාළ දර්ශන පහතින්,
