මහර බන්ධනාගාරයේ සිදු වූ ගැටුම පිළිබඳව විමර්ශන සිදුකිරීම සඳහා අපරාධ පරීක්ෂණ දෙපාර්තමේන්තුව පත්කළ කමිටුවේ සාමාජිකයින් සංඛ්‍යාව වැඩිකර ඇත.
අපරාධ පරීක්ෂණ දෙපාර්තමේන්තුවේ නිලධාරීන් 12 දෙනෙකුගෙන් සමන්විත කමිටුවක් පත්කර තිබුණු අතර මේ වන විට එම කමිටුවේ සමාජිකයින් සංඛ්‍යාව 20 දෙනෙකු දක්වා ඉහළ දමා ඇත.
කෙසේ වෙතත් අදාල කමිටුවේ නිලධාරීන් විසින් මේ වනවිට මහර සිද්ධිය සම්බන්ධයෙන් ප්‍රකාශ 78ක් සටහන් කරගෙන ඇති අතර ඉන් ප්‍රකාශ 34ක් බන්ධනාගාර නිලධාරීන්ගෙන්ද සෙසු ප්‍රකාශ බන්ධනාගාර රැඳවියන්, හෙද නිලධාරීන් සහ වෛද්‍යවරුන්ගෙන් ලබාගෙන තිබේ.
අපරාධ පරීක්ෂණ දෙපාර්තමේන්තුවේ නිලධාරීන් විසින් දෙසැම්බර් 04 දින බන්ධනාගාර අධිකාරීවරයාගෙන් ද ප්‍රකාශ සටහන් කර ගෙන ඇත.
තව කියවන්න
- පිල්ලෙයාන්ව දින 90ක් රඳවා ප්‍රශ්න කිරීමට අවසර
- ෆ්ලොරිඩාවේ ගුවන් අනතුරකින් තිදෙනෙකු මරුට
- ඇමතිලා පිරිසක් තෙල් එපා කියලා
- “කොටු කැපීම” නීති විරෝධීයි අහුවෙන්න එපා! -NLB
- අවුරුද්දට ගමේ යන්න අදත් විශේෂ ප්‍රවාහන සේවා
