ශ්‍රී ලංකන් එයාර් ලයින්ස්, ඛනිජ තෙල් නීතිගත සංස්ථාව, ජාතික ජල සම්පාදන හා ජලාපවාහන මණ්ඩලය සහ සමුපකාර තොග වෙළෙඳ සංස්ථාව ඇතුළු රාජ්‍ය ආයතන 55 ක් ඉකුත් වසර 14ක කාලයේදී රුපියල් කෝටි එක්ලක්ෂ විසි දහසක පමණ පාඩුවක් ලබා ඇතැයි විගණන වාර්තාවල සඳහන් වනවා.
ශ්‍රී ලංකන් එයාර් ආයතනයේ පමණක් වසරක පාඩුව කෝටි 7000ක් බවයි සදහන් වන්නේ.
මේ අතර ලබාගත් ඉන්ධන වෙනුවෙන් ශ්‍රී ලංකන් එයාර් සහ ලංකා විදුලිබල මණ්ඩලය ඛනිජ තෙල් නීතිගත සංස්ථාවට ගෙවිය යුතු ණය ප්‍රමාණය රුපියල් කෝටි 1600 ක් බවද එම වාර්තාවල සදහන් වනවා.
ඉන් ලංකා විදුලිබල මණ්ඩලය ඛනිජ තෙල් සංස්ථාවට ගෙවිය යුතු ණය ප්‍රමාණය රුපියල් කෝටි 9600ක් වන අතර ශ්‍රී ලංකන් එයාර් ලයින්ස් ආයතනය තෙල් සංස්ථාවට ගෙවිය යුතු ණය ප්‍රමාණය රුපියල් කෝටි 6500ක්.
ඉන්ධන මිල ඉහළ යෑම නිසා ඛනිජ තෙල් සංස්ථාව පසුගිය ඔක්තෝබර් මාසයේදී පමණක් ලැබූ පාඩුව රුපියල් කෝටි 1000කට වැඩි අගයක් ගන්නවා.
