මේ වසරේ ශ්‍රී ලංකාවට පැමිණෙන පළමු රාජ්‍ය තාන්ත්‍රිකයා ලෙස චීන විදේශ අමාත්‍ය වැංග් යී (Wang Yi) මහතා අද (08දා) ශ්‍රී ලංකාවට පැමිණීමට නියමිතව තිබෙනවා.
චීන – ශ්‍රී ලංකා රාජ්‍යතාන්ත්‍රික සබඳතාවල 65 වන සංවත්සරය සැමරීම ද ඊට සමගාමීව සිදුවෙන බවයි සඳහන් වන්නේ.
සිය දෙදින නිල සංචාරයේදී ඔහු ජනපති ගෝඨාභය රාජපක්ෂ, අග්‍රාමාත්‍ය මහින්ද රාජපක්ෂ ඇතුළු මෙරට ඉහළ පෙළේ පිරිසක් හමුවීමට නියමිතව ඇති අතර මෙහිදී චීන විදේශ කටයුතු අමාත්‍යවරයා විසින් ආයෝජන යෝජනා රැසක් ඉදිරිපත් කරනු ඇති බවත් වාර්තා වනවා.
චීන විදේශ අමාත්‍යවරයාගේ ශ්‍රී ලංකා සංචාරයට පෙර මෙරට චීන තානාපති චී ෂෙනොන්, උතුරුකරය ඇතුලු දිවයින පුරා සංචාරයන්හි නිරත වුණා.
චීන විදේශ අමාත්‍ය වෑන්ග් – යී දිවයිනට පැමිණෙන්නේ අප්‍රිකානු අඟ ප්‍රදේශයේ සහ මාලදිවයිනේ සංචාරයකින් අනතුරුව යි.
චීන විදේශ අමාත්‍යවරයා 2022 වසරේ ආරම්භ කර ඇති පළමු නිල විදෙස් සංචාරයේ අවසන් නැවතුම වන්නේ ශ්‍රී ලංකාවයි.
