පානදුර ප්‍රදේශයේ මංගල උත්සවයක නටමින් සිටි 24 හැවිරිදි තරුණයෙකු හදිසියේ ඇද වැටී මියගොස් තිබෙනවා.
පානදුර උතුර පොලිසිය පැවසුවේ මියගිය පුද්ගලයා වාද්දුව පොතුපිටිය ප්‍රදේශයේ පදිංචිකරුවෙකු බවට හඳුනාගෙන ඇති බවයි.
ඔහු මෙලෙස සහභාගී වී ඇත්තේ පානදුර – ගොරකාන ප්‍රදේශයේ හෝටලයක පැවති තම රැකියා ස්ථානයේ මිතුරෙකුගේ විවාහ මංගල්‍ය උත්සවයකටයි.
මංගල සාදයේදී මෙම තරුණයා නටමින් සිටියදී එක්වරම බිම ඇද වැටී ඇති අතර අනතුරුව ඔහුව පානදුර මූලික රෝහලට ඇතුළත් කර තිබෙනවා.
පසුව ඔහු ජීවිතක්ෂයට පත්වූ බව රෝහල් ආරංචි මාර්ග සදහන් කරනවා.
තරුණයා හට PCR පරීක්ෂණයක් සිදු කිරීමෙන් අනතුරුව පශ්චාත් මරණ පරීක්ෂණය සිදුකිරීමට නියමිතයි.
