ලෝක ජනගහණයෙන් 14% ක් ජීවත් වන ධනපති රාජ්‍ය කොරෝනා මැඩලීමට නිපද වූ එන්නත්වලින් 53% ක් සිය වැසියන් සඳහා මේ වනවිටත් ඇණවුම් කර ඇතැයි ඇමිනෙස්ටි ඉන්ටනැෂනල් ඇතුඵ ජගත් සංවිධාන රැසක්ම චෝදනා කරයි.
මෙය සාර්ථක වන එන්නත්වලින් සාධාරණ පංගුවක් දුප්පත් රාජ්‍යවලට පිරිනමන බවට ගෝලීය ප්‍රබලයන් හා සංවිධාන කළ ප්‍රකාශවලට මුඵමනින්ම පටහැනි තත්ත්වයක් යැයි ඔවුහු පවසති.
ඇමිනෙස්ට් ඉන්ටනැෂනල්, ඔක්ස්ෆෑම් හා ග්ලෝබල් ජස්ටිස් නව් සංවිධාන ඒකාබද්ධව පිහිටුවා ගත් පීපල්ස් වැක්සීන් අලායන්ස් (පී.වී.ඒ) පවසන්නේ මෙම තත්ත්වය අනුව දුප්පත් රාජ්‍ය 70 ක ජනයාගෙන් 10% ක පමණ පිරිසකට පමණක් මෙම එන්නත්කරණය සීමා වනු ඇති බවයි.
පී.වී.ඒ සංවිධානය අවධාරණය කරන්නේ මෙම තත්ත්වය වැලැක්වීමට නම් ලෝ ප්‍රකට ඖෂධ සමාගම් සිය තාක්ෂණික දැනුම හුවමාරු කරගැනීමේ පියවරකට යා යුතු බවයි.
පොදුවේ ගත් කළ ධනවත් රාජ්‍ය සියල්ලම පාහේ දැනට ඇණවුම් කළ හැකි එන්නත් සිය වැසියන්ට අඩුම තරමින් 5 වරක් භාවිත කිරීම සඳහා ඇණවුම් කර අවසන් යැයි ද කැනඩාව පමණක් සිය වැසියන්ට තුන් වරක් භාවිතය සඳහා එන්නත් ඇණවුම් කර ඇතැයි ද පී.වී.ඒ සඳහන් කරයි.
එහෙත් කොවිඞ් 19 එන්නත් ගෝලීයව ප්‍රවේශ පහසුකම් සැපයීම හෙවත් කොවැක්ස් එකමුතුව මීට පෙර පැවසුවේ අඩු ආදායම්ලාභී රාජ්‍ය 92 කට එන්නත් මිලියන 700 ක් ලබා දෙනු ඇති බවය.
