ඉන්දීය අග්‍රාමාත්‍ය නරේන්ද්‍ර මෝදි මහතා ලබන මාර්තු මාසයේදී මෙරට සංචාරයක නිරතවීමට නියමිතව ඇති බව වාර්තා වනවා.
මෙරට පැවැත්වීමට නියමිත බහු ආංශික තාක්ෂණික හා ආර්ථික සහයෝගිතාව සඳහා වූ බෙංගාල බොක්ක ප්‍රවේශය හෙවත් “බිම්ස්ටෙක් සමුළුවට” සහභාගී වීම සඳහා ඉන්දීය අග්‍රාමාත්‍යවරයා මෙරටට පැමිණිමට නියමිත බවයි පැවසෙන්නේ.
ඒ සම්බන්ධයෙන් එරට නිල සංචාරයක නිරත වූ විදේශ කටයුතු අමාත්‍ය මහාචාර්ය ජී.එල් පීරිස් මහතා සහ ඉන්දීය විදේශ කටයුතු අමාත්‍ය ආචාර්ය ජයශංකර් මහතා අතර පැවැති සාකච්ඡාවේදී ද අවධානය යොමුව ඇති අතර ඉන්දියා අග්‍රාමාත්‍යවරයාගේ සංචාරය පිළිබඳව ශ්‍රී ලංකාව දැඩි අපේක්ෂාවෙන් පසුවන බව එහිදී ජී.එල් පීරිස් අමාත්‍යවරයා සඳහන් කර තිබෙනවා.
එමෙන්ම ලබන මාර්තු මාසයේ මෙරට සංචාරයක නිරත වන ලෙස අමාත්‍යවරයා ඉන්දීය විදේශ කටයුතු අමාත්‍යවරයාට ද ආරාධනයක් සිදුකර තිබෙනවා.
